السلام عليكم
.....................
طبعا انا عامل الموضوع ده علشان الشباب الحلوه اللي مظلومين
في البيت من قبل الاب واللي دايما مش عاوز يديك فلوس علشان
1- تخرج تقابل (الموزه)..يعني (girl friend)
2-او تخرج مع صحابك
3-او تخرج تتفسح لوحدك(شكلك وحش اوي)
4-او عازم صحابك في كافيه لذيذ
الخ
............................
وديه طريقه انا مجربها 100%
اولا
الاب بيحب يشوف ابنه بيصلي و مابيكدبش
وطبعا الصلاه كلنا بنصليها ولكنك حتواجه مشكله في ازاي متكدبش...معلش استحمل واصدق لو مره واحده علشان يعطيك ابوك فلوس
طبعا ابوك كده خد فكره حلوه عنك
شايف ابنه بيصلي ومابيكدبش
...................................
ثانيا و اهم مرحله
الاب بيحب يشوف ابنه بيذاكر
ياربي انا عارف ان ده شيء صعب للشباب
بس اعمل التالي:
1-اشتري mp3 player بس هات الاصلي مش الصيني
2-نزل كام اغنيه لعمك عمرو وتامر على كام اغنيه اجنبيه
3-اقعد على المكتب وافتح الكتاب واعمل نفسك بتبص فيه
وسمعات الــmp3 player في ودنك
وطبعا انت سرحان وبتفكر في الموزه(girl friend)
4-حيدخل عليك ابوك ويشوفك بتذاكر
وحيقولك مش عاوز حاجه
اعمل نفسك عبيط و مش واخد بالك منه
حيعرف ان انته مندمج في المذاكره
طبعا كده خلصنا من مشكله المذاكره
وابوك فرحان
.................................
ثالثا
طبعا في شباب مابيحبوش ينزلوا يشتروا اغراض للبيت
معلش انا عارف انك باشا وبتحب تقعد في البيت
معلش استحمل
اعمل الاتي:
1-تروح لامك تقولها مش عايزه حاجه من السوق
امك طبعا مش سيعاها الفرحه(ابنها بقى راجل)
2-امك حتعطيك شويه طلبات ومعاها فلوس
3-حط نصف الفلوس في جيبك والباقي هات بيه نصف الطلبات
4-تروح لامك وتقولها الفلوس ما كفتش
امك حتعذرك وتقول في نفسها(ديه اول مره ينزل فيها الشارع اكيد حد ضحك عليه وباع له الحاجه بثمن غالي)
..............................
رابعا
امك حتقول لي ابوك:
تعرف يا حج حماده بقى شاطر وبيساعدنا ومفرحنا
الحج يرد:
طبعا
اول ما تسمع الكلمتين دول تروح لابوك تقوله
بابا عاوز 50 جنيه
حيقولك: اتفضل ياحماده من غير ما يسألك حتعمل ايه بيها
وبكده ابوك بقى يثق فيك
..................................
طب تعمل ايه لو ابوك اعطاك هذه المره وبعدين قطع عنك الفلوس
بسيطه
تروح لي ابوك وتقوله:عاوز 100 جنيه تمن كتب دراسيه
ابوك مش حيتردد ويعطيك الفلوس
(ياسلام 100 جنيه مره واحده)
خد الفلوس واعمل اللي انته عاوزه
...........................
لو قطع الفلوس مره تانيه
روح قول لي ابوك:عاوز 100 جنيه تمن درس
واعمل كده مع كل ماده عندك
يعني لو عندك 6 مواد
حتاخد 600 جنيه
يا سلام 600 جنيه كل اسبوع
وانصحك ان انته ماتصرف كل الفلوس
يمكن يحصل ظروف
وهكذا الحياه تستمر
..............................
اه نسيت
لو حد عمل الحاجات ديه
ماينساش يعطيني 10% من المبلغ اللي راح تاخده
............................
وانا شاء الله انتظروني في
(ازاي تاخد السياره من ابوك)
................................
انا عارف ان انتوا حتقولوا عليا شرير
مش مهم احنا بنقدم نصيحه ليكوا
عاوز ردود
موضوع: طريقة علشان ابوك يعطيك فلوس................----لكل الاعضاء- 